Tuesday, July 7, 2020

ઍક જીંદગી...જીવતી વારતા...

કેટલાય વર્ષો ગયા.
1999માં શિક્ષક તરીકે જોડાયો. ત્યારે શાળામાં બાળકોને વાંચવામાં તકલીફ પડે.ખાસકરીને જોડાક્ષર વાંચવામાં તકલીફ પડે. એનો રસ્તો કર્યો. જોડાક્ષર વગરની વાર્તાઓ લખી. લખાતી ગઇ.પાઠ્યક્રમ આધારે વાર્તાઓ લખી.વર્ષ 2006માં મારી શાળાની પ્રવૃત્તિઓની નોંધ લેવાઈ.આઇઆઇએમ દ્વારા મારી પસંદગી સર રતન ટાટા એવોર્ડ માટે થઈ. પ્રોફેસર વિજય શેરીચંદ દ્રારા આ કામને પ્રોત્સાહન આપવામાં આવ્યુ.એ પછી તો શિક્ષણ સાથે જોડાયેલ વિવિધ કામ કરવાની તક મળી.

વર્ષ 2008માં લીમ્કા બુક ઓફ રેકોર્ડ થી શરું થઈ 2014માં વર્લ્ડ રેકોર્ડ સુધીની સફર પૂરી થઈ. શ્રી અનિલ ગુપ્તા સર જોડે કામ કરતાં કરતાં સૃષ્ટિ સન્માન મળ્યું.વર્લ્ડ રેકોર્ડ યુનિવર્સીટી દ્રારા માનદ ડોક્ટરેડની પદવી એનાયત થઈ. આ બધાં પાછળ ઍક માત્ર કારણ વાર્તા. બાળકોને ગમે એવી વાર્તા. છેલ્લાં કેટલાંક સમયથી આ વાર્તાઓ 90.4fm ઉપર રેકોર્ડ કરી. શ્રી અભિજીત જી અને શ્રી અનિકેત ઠાકર દ્વારા આ વાર્તાઓને માટે ખાસ લાગણી દર્શાવવામાં આવી.લગભગ 40 કરતાં વધારે વાર્તાઓ રેકોર્ડ કરી. આજથી આ વાર્તાઓ રેડિયો ઉપર નિયમિત પ્રસારિત થશે. 90.4 fm નાં ટેક્નિકલ સહયોગી શ્રી નરેશભાઈ ઠાકોર અને મારી વાર્તાઓ માટે જીગલ તૈયાર કરનાર #RJ અંજલી રાણાનો આ તબક્કે આભાર માનું છું.

કોઇના કોઈ તબક્કે મારી વાર્તાઓને મહત્વ આપી મને પ્રોત્સાહિત કરનાર ગૂર્જર પ્રકાશનના શ્રી મનુભાઈ શાહ. નવભારત સાહિત્ય મંદિરના શ્રી જયેશ શાહ. આઇઆઇએમ વિગ 7 નાં શ્રી અવિનાશ ભંડારી,મેઘા ગજ્જર,સંકેત સાવલીયા,લેખ નાકરાણી સહીત સૌ સભ્યોને કેમ ભુલાય.સૃષ્ટિ.org નાં શ્રી રમેશભાઈ પટેલ,શ્રી ચેતન પટેલ અને સૌ સહયૉગીઓનો આભાર માનું છું. સાથે #UNICEF નાં તત્કાલીન ઉમાશ્રી, હાલના શ્રીમતી પુષ્પા જોશી,શ્રી હરેશ ચૌધરી, #Room 2 રીડનાં સૌ સાથી. રીચ 2 ટીચનાં સહયોગી સહીત રખેવાળ, BK ન્યૂઝ, ગુજરાત સમાચાર અને સંદેશ જેવા સૌ પ્રકાશન ગૃહનો આ તબક્કે આભાર માનું છું. આજથી શરું થતી મારી વાર્તાઓ આપ મંગળવારે બપોરે 12 .00 વાગે અને રાત્રે 9.00 વાગે સાંભળી શકશો. આજ વાર્તાનું પુન: પ્રસારણ આપ શુક્રવારે બપોરે12.00 વાગે અને રાત્રે 9.00 વાગે સાંભળી શકશો. 

આપ પણ મારી સાથે જોડાઇ શકો. આપ આવી કોઈ જીવતી વાર્તાની વિગત જાણતાં હોવ તો મારા સુધી પહોંચાડવા અનુરોધ કરું છું.

No comments:

सबसे ज्यादा पढ़े गए लेख...